News

రాజధాని తరలింపు వల్ల ఇప్పటికే అమరావతికేంద్రంగా అభివృద్ధికోసం వెచ్చించిన కేంద్ర, రాష్ట్రప్రభుత్వాల సొమ్మంతా వృథా అవుతోందని, రాజధానికోసం పోరాడుతున్న వారిపై నక్సలైట్లు, టెర్రరిస్టులపై పెట్టిన కేసులు పెట్టారని, రాజధాని తరలింపు పేరుతో రాష్ట్రంలో అధికారపార్టీ సాగిస్తున్న అరాచకాలపై పార్లమెంట్‌లో ప్రస్తావిస్తామని టీడీపీ లోక్‌సభసభ్యులు గల్లా జయదేవ్‌ స్పష్టంచేశారు. మంగళవారం ఆయన తోటిఎంపీలు రామ్మోహన్‌నాయుడు, కనకమేడల రవీంద్రకుమార్‌, సీతారామలక్ష్మిలతో కలిసి, మంగళగి రిలోని పార్టీ కేంద్రకార్యాలయంలో విలేకరులతో మాట్లాడారు. భూములిచ్చిన రైతులకు ఏం న్యాయంచేస్తారో, ఎలా చేస్తారో, గతప్రభుత్వం వారితో చేసుకున్న ఒప్పందాలకు ఎలా న్యాయం చేస్తారో జగన్‌సర్కారు సమాధానం చెప్పాలన్నారు. ఇప్పుడు రాజధానిని వ్యతిరేకిస్తున్న జగన్మోహన్‌రెడ్డి, గతంలో రాష్ట్రం మధ్యలో రాజధాని ఉండాలని, అందుకు 30వేల ఎకరాలైనా కావాలని ఎందుకు చెప్పాడని గల్లా ప్రశ్నించారు. 2014లో విభజనబిల్లుపై చర్చజరిగేటప్పుడు, అసెంబ్లీలో జగన్‌ఏం మాట్లాడాడో అందరికీ తెలుసు నన్నారు. ఎన్నికలప్రచారంలోకానీ, మేనిఫెస్టోలోగానీ జగన్‌, ఆయనపార్టీసభ్యులు రాజధానిని మారుస్తామని ఎక్కడా చెప్పలేదన్నారు.

రివర్స్‌టెండర్లు, అవినీతి పేరుతో రాష్ట్రంలో జరుగుతున్న పనులన్నీ ఆపేశారని, తద్వారా రాష్ట్రపురోగతి నిలిచిపోయిందన్నా రు. జీ.ఎన్‌.రావు, బీసీజీ కమిటీల రిపోర్టులు రాకముందే జగన్‌, తన నిర్ణయాన్ని వెల్లడించాడని, అలాంటప్పుడు ఆ కమిటీలకు విశ్వసనీయత ఎలా ఉంటుందని జయదే వ్‌ ప్రశ్నించారు. న్యాయస్థానాలుకూడా ఆయా కమిటీల నివేదికల్ని తప్పుపట్టాయని, చెన్నైఐఐటీ వారు అమరావతి ముంపుకు సంబంధించి ఏదో నివేదిక ఇచ్చారనికూడా దుష్ప్రచారం చేశారన్నారు. తాను రాళ్లేశానని తనపై కేసుపెట్టారని, నేనుకానీ, నాతో వచ్చినవారుకానీ రాళ్లేయలేదని, సివిల్‌దుస్తుల్లో ఉన్న పోలీసులే ఆపనిచేశారని గల్లా స్పష్టంచేశారు. పోలీసువారే ఒకకుట్రప్రకారం రాళ్లేసి, దాన్నిసాకుగాచూపి, కొట్టారని, పోలీసులు కొడతారన్న అనుమానంతో మహిళలంతా తనచుట్టూచేరి రక్షణగా నిలిచారని జయదేవ్‌ పేర్కొన్నారు. ఎస్పీగా ఉన్నవ్యక్తి ఒకవైపు దండంపెడుతూనే , మరోవైపు చేయాల్సింది చేస్తూనే ఉన్నారని, గిచ్చడం, రక్కడం చేసి చివరకు లాక్కెళ్లారని ఆయన వాపోయారు. ఎంపీ విషయంలోనే ఇంతదారుణంగా ప్రవర్తించిన పోలీసులు , ఇకసామాన్యప్రజల్ని ఎంతలా వేధిస్తారో ప్రత్యేకంగా చెప్పాల్సిన పనిలేదన్నారు. తనకు జరిగిన దానికన్నా, సాటిరైతులు, మహిళలు, ఇతరులపై పోలీసులుప్రవర్తించిన తీరుని తీవ్రంగా ఖండిస్తున్నామన్నారు.

రాజ్యాంగంపట్ల నమ్మకం, గౌరవం, సదభిప్రాయం లేని వ్యక్తి జగన్మోహన్‌రెడ్డని, ఆయనకు ప్రజలమీద గౌరవం, మర్యాద లేవని, టీడీపీనేత, రాజ్యసభసభ్యులు కనకమేడ ల రవీంద్రకుమార్‌ స్పష్టంచేశారు. తనను బాధించిందనే జగన్‌ మండలిని రద్దుచేశాడని, ఆయన గత 7నెలలనుంచీ ప్రజల్ని ఎంతగా బాధించి, వేధించాడో ఎందుకు ఆలోచించ లేకపోతున్నాడన్నారు. 30-05-2019నుంచి మండలి 32 బిల్లులవరకు ఆమోదించిం దని, రెండుబిల్లుల్ని సెలెక్ట్‌కమిటీకి పంపితే ఆ నిర్ణయాన్ని జగన్‌ తప్పుపట్టడం దారుణమ న్నారు. మండలిలో చర్చించిన అంశాలను అసెంబ్లీలో చర్చించడానికి వీల్లేదని, ముఖ్యమంత్రి ఆదేశాలతో స్పీకర్‌ తమ్మినేని విచక్షణ, సభ్యత కోల్పోయి ప్రవర్తించాడన్నారు మండలిని రద్దుచేయడానికి జగన్‌కు ఏం అధికారాలున్నాయని, రద్దుచేయడానికి అదేమైనా ఆయన కుటుంబసమస్యా అని కనకమేడల ప్రశ్నించారు. రాజకీయపరమైన కుట్రతోనే, బీసీలు అధికంగా ఉన్న మండలిని జగన్‌ రద్దుచేశాడని, తద్వారా ఆయన తాను బీసీల వ్యతిరేకినని చెప్పకనే చెప్పాడన్నారు.

టీడీపీ హయాంలో నరేగా పథకాన్ని సద్వినియోగంచేసుకొని, ఏరాష్ట్రం చేయనివిధంగా రోడ్లు, భవనాలు, చెత్తనుంచి సంపదతయారీ కేంద్రాలవంటి పనులు చేయడం జరిగిం దని, ఆపనులు చేసినవారికి ఇప్పటికీ నిధులు ఇవ్వకుండా వైసీపీసర్కారు వేధిస్తోందని ఎంపీ రామ్మోహన్‌నాయుడు తెలిపారు. ఈవ్యవహారంపై కేంద్రమంత్రి నరేంద్రసింగ్‌ తోమర్‌కి ఫిర్యాదు చేశామని, ఆయనచెప్పినా వినకుండా, ఆఖరికి హైకోర్టుచెప్పినా ఖాతరుచేయకుండా వైసీపీ ప్రభుత్వం వ్యవహరిస్తోందన్నారు. ఈ అంశంపై పార్లమెంట్‌ లో ప్రస్తావించి, రాష్ట్రసర్కారు వైఖరిని ఎండగడతామని రామ్మోహన్‌నాయుడు స్పష్టంచేశా రు. భవనాలు కట్టినవారికి బిల్లులు చెల్లించకుండా, అదేభవనాలకు తమపార్టీ రంగులు వేసుకున్నారని, తద్వారా వందలకోట్ల ప్రజాధనాన్ని దుర్వినియోగం చేశారన్నారు. తనను ముఖ్యమంత్రిని చేసిన ప్రజలసొమ్ముతో, వారంవారం కోర్టులచుట్టూ తిరుగుతు న్నారని, అదే ఆయన ప్రజలకు ఇచ్చిన గొప్పబహుమానమని కింజారపు వ్యాఖ్యానించా రు. నరేగా నిధులు ఇవ్వమన్నా, రంగులు ఎందుకువేశారన్నా, క్రమంతప్పకుండా కోర్టుకు హాజరవ్వాలని చెప్పినా వినిపించుకోకుండా జగన్‌ ప్రవర్తిస్తున్నాడన్నారు. వైసీపీ వైఫల్యాలను చూసినతర్వాత రాష్ట్రప్రజలంతా తిరిగి చంద్రబాబు నాయకత్వాన్నే కోరుకుంటున్నారని రామ్మోహన్‌నాయడు తెలిపారు. జగన్‌ ఎన్ని ఇబ్బందులుపెట్టినా, టీడీపీ ఎల్లప్పుడూ రాష్ట్రప్రజల భవిష్యత్‌కోసం, వారిపక్షానే నిలిచిపోరాటం చేస్తుందని ఆయన తేల్చిచెప్పారు.

జనవరి 31నుంచి పార్లమెంట్ బడ్జెట్ సమావేశాల నేపథ్యంలో టిడిపి పార్లమెంటరీ పార్టీతో తెలుగుదేశం పార్టీ అధ్యక్షులు శ్రీ నారా చంద్రబాబు నాయుడు భేటి అయ్యారు. మంగళవారం ఎన్టీఆర్ భవన్ లో జరిగిన భేటికి టిడిపి లోక్ సభ, రాజ్యసభ సభ్యులు పాల్గొన్నారు. పార్లమెంట్ సమావేశాల్లో లేవనెత్తాల్సిన 9అంశాలపై ఈ భేటిలో చర్చించారు. రాజధాని అమరావతి మార్పు, 3 రాజధానుల ప్రకటన, రాష్ట్ర ప్రభుత్వ విధ్వంసకర చర్యలపై కేంద్రానికి ఫిర్యాదు, దిగజారిన రాష్ట్ర ఆర్ధిక వ్యవస్థ, ఉపాధి హామీ నిధుల పెండింగ్, దారి మల్లింపు, పోలవరం పనులు ఆగిపోవడం, కండిషనబుల్ బెయిల్ షరతులను ఉల్లంఘించి వైసిపి ఎంపి విజయ సాయిరెడ్డి చేస్తున్న ప్రలోభాలు- రాస్తున్న లేఖలు, మీడియా పై దాడులు- ఆంక్షలు- అక్రమ కేసులు, టీడీపీ ఎంపీలు, ఎమ్మెల్లేలు, ఇతర నాయకులు, కార్యకర్తలపై అక్రమ కేసులు, జాతీయ అంశాలైన పౌరసత్వ సవరణ చట్టం, జాతీయ పౌర పట్టిక, జాతీయ జన పట్టిక తదితర అంశాలపై చర్చించారు. రాష్ట్ర ప్రభుత్వ అసమర్ధత, అవినీతి, అక్రమాలు, విధ్వంస కార్యక్రమాలు, కేంద్ర నిధుల సద్వినియోగంలో వైఫల్యం, ఉన్న నిధులను ఖర్చు చేయలేక పోవడం, అప్పులివ్వలేమని బ్యాంకులే లేఖలు రాయడం, ప్రభుత్వ విశ్వసనీయతకే తూట్లు పెట్టడం, పెట్టుబడులన్నీ వెనక్కి పోవడం తదితర అంశాలన్నీ ప్రస్తావించాలని నిర్ణయించారు.

ఈ భేటిలో చర్చించిన అంశాలు: 1) ‘‘ టిడిపి పాలనలో దేశంలో నెంబర్ వన్ స్థానంలో ఉన్న ఆంధ్రప్రదేశ్, వైసిపి ప్రభుత్వ నిర్వాకాల వల్ల ఈ 8నెలల్లో అట్టడుగుకు దిగజారింది. ఈ వాస్తవాలను ఇటీవల కొన్ని సర్వేలే బైటపెట్టాయి. పెరిగిన అప్పులు, తగ్గిన ఎయిర్ ట్రాఫిక్, తగ్గిన వాహనాల కొనుగోళ్లు, తగ్గిన విద్యుత్ వినియోగం వైసిపి ప్రభుత్వ చేతగాని తనాన్ని స్పష్టంగా బైటపెట్టాయి. 2).భారత దేశ మ్యాప్ లో ఏపి రాజధాని అమరావతి లేకపోవడం కేంద్రం దృష్టికి తెచ్చి, పార్లమెంటులో పట్టుబట్టి సాధించారు, మళ్లీ అమరావతిని మ్యాప్ లో పెట్టించారు, అందుకు టిడిపి ఎంపిలను అభినందిస్తూ కేంద్రమంత్రి కిషన్ రెడ్డి లేఖ రాశారు. దానిపై కేంద్రానికి ధన్యావాదాలు కూడా తెలిపాం. అదే స్ఫూర్తి ఇప్పుడు టిడిపి ఎంపిలు మళ్లీ చూపాలి. రాజధాని అమరావతి పరిరక్షణకు జెఏసి ఆధ్వర్యంలో జరుగుతున్న పోరాటాన్ని కేంద్రం దృష్టికి తీసుకెళ్లాలి. రాజ్యాంగ వ్యవస్థల ప్రతినిధులకు వినతులు ఇవ్వాలి. జెఏసి ఆధ్వర్యంలో రైతు సంఘాల ప్రతినిధులు, రైతు కూలీ సంఘాల ప్రతినిధులతో ఢిల్లీ వెళ్లి ఇక్కడ జరుగుతున్న దుర్మార్గ పాలన గురించి ప్రధానికి, కేంద్రమంత్రులకు, రాజ్యాంగ వ్యవస్థల పెద్దలకు వినతులు ఇవ్వాలి. మానవ హక్కుల కమిషన్ ,ఎస్సీ, ఎస్టీ కమిషన్, మహిళా కమిషన్ తదితర రాజ్యాంగసంస్థల ప్రతినిధులను కలిసి వివరించాలి.

3).కౌన్సిల్ రద్దు నిర్ణయం గురించి జాతీయ పార్టీల నాయకులకు, కేంద్ర మంత్రుల దృష్టికి తీసుకెళ్లాలి. గతంలో రద్దు అయిన కౌన్సిల్ పునరుద్దరణ కోసం 5రాష్ట్రాలు, కొత్తగా కౌన్సిల్ ఏర్పాటు చేయాలని మరో 5రాష్ట్రాలు అడుగుతుంటే ఉన్న కౌన్సిల్ ను రద్దు చేయడం వైసిపి తుగ్లక్ చర్య. 8నెలల్లో 38బిల్లులను ఆమోదించారు, 2బిల్లులకు సవరణలు ప్రతిపాదించారు, ఇప్పుడొచ్చిన 2బిల్లులను సెలెక్ట్ కమిటికి పంపి ప్రజాభిప్రాయం సేకరించాలని సూచించారు. దానికే అక్కసు పట్టలేక కౌన్సిల్ రద్దు చేయాలని తీర్మానం ఆమోదించి పంపడాన్ని కేంద్రం దృష్టికి తీసుకెళ్లాలి. అన్ని పార్టీలు, ప్రజా సంఘాలు, పట్టభద్రులు, ఉద్యోగ ఉపాధ్యాయ సంఘాలన్నీ వైసిపి ప్రభుత్వ తుగ్లక్ చర్యలను నిరసిస్తున్న విషయాన్ని ప్రస్తావించాలి. పార్లమెంటరీ స్టాండింగ్ కమిటి దీనిపై గతంలో చేసిన సూచనలను గుర్తు చేయాలి. 4).నరేగా నిధుల సద్వినియోగంలో దేశంలోనే నెంబర్ వన్ గా ఉన్న రాష్ట్రాన్ని ఈ 8నెలల్లోనే అట్టడుగుకు దిగజార్చారు. గత ఏడాది ఈ పాటికి రూ 6వేల కోట్ల నిధులు వ్యయం చేయగా ఈ ఏడాది అందులో సగం వ్యయం చేయలేక పోయారు. ఉపాధి పనులన్నీ నిలిపేశారు, గతంలో చేసిన పనులకు బిల్లుల చెల్లింపులు నిలిపేశారు. కొత్త పనులకు నిధులిస్తామని చెప్పి ఇంతవరకు ఒక్క పైసా ఇవ్వలేదు

5).కండిషనబుల్ బెయిల్ పై ఉన్న ముద్దాయి తమ కేసుల విచారణలో ఏ దర్యాప్తు అధికారి కావాలో ఏవిధంగా లేఖలు రాస్తారు..? తన హోదా దుర్వినియోగం చేసి దర్యాప్తు సంస్థలను ప్రభావితం చేయడం కాదా ఇది..? సాక్షులను ప్రభావితం చేయరాదు, విచారణాధికారులను ఇబ్బందుల పాలు చేయరాదు అని బెయిల్ షరతులలో లేదా..? షరతులతో కూడిన బెయిల్ పై ఉన్న ముద్దాయి ఆ షరతులను ఉల్లంఘిస్తూ దర్యాప్తు అధికారులపై లేఖలు రాయడం ఏ సంకేతాన్ని పంపుతోంది..? వీటన్నింటి గురించి ఢిల్లీ స్థాయిలో చర్చ జరిగేలా చూడాలి. 6)మీడియా ప్రతినిధులపై దాడులు, మీడియా ప్రసారాలపై ఆంక్షలు, జీవో 2430 తీసుకురావడం, తునిలో రిపోర్టర్ హత్య, చీరాలలో రిపోర్టర్ పై హత్యాయత్నం, నెల్లూరులో ఎడిటర్ ను, మైనారిటి రిపోర్టర్ ను వైసిపి ఎమ్మెల్యే చంపుతానని బెదిరించడం, మరో వైసిపి ఎమ్మెల్యేపై హత్య కేసు నమోదు కావడం, విద్యార్ధులను ఆరుబైట ఎండలో నిలబెట్టి, పాఠశాల తరగతి గదుల్లో పోలీసులు నివాసం ఉండటంపై కథనాలు ఇచ్చిన మీడియా ప్రతినిధులపై నిర్భయ కేసులు పెట్టడం, అసెంబ్లీ ప్రసారాలకు 3ఛానళ్లను బ్యాన్ చేయడం, ఎంఎస్ వోలను రాష్ట్ర మంత్రులే బెదిరించి రాష్ట్రవ్యాప్తంగా 2ఛానళ్ల ప్రసారాలు బంద్ చేయించడం తదితర అంశాలన్నీ జాతీయ స్థాయికి తీసుకెళ్లాలి.

జగన్ మోహన్ రెడ్డి బాబాయ్, వైఎస్ వి-వే-క, గత ఏడాది, హ-త్య కాబడిన విషయం తెలిసిందే. అయితే, అప్పటి నుంచి ఈ కేసు సాగుతూనే ఉంది. అప్పట్లో ఇది చంద్రబాబు చేపించాడు అంటూ, హోరెత్తించిన జగన్, సిబిఐ ఎంక్వయిరీ కావలి అంటూ హడావడి చేసారు. అయితే, ఇప్పుడు ఆయన అధికారంలోకి వచ్చి, 8 నెలలు దాటి, 9 వ నెలలోకి వచ్చినా, ఇప్పటి వరకు, సిబిఐ ఎంక్వయిరీ కోరలేదు. మరో పక్క, కావాలని రాజకీయ ప్రత్యర్ధులను టార్గెట్ చెయ్యటంతో, వారు, ఈ కేసులో మాకు సిబిఐ ఎంక్వయిరీ కావాలి అంటూ, హైకోర్ట్ లో పిటీషన్ వేసారు. ఈ కేసు సిబిఐకి ఇవ్వాలి అంటూ, వి-వే-కా సతీమణి సౌభాగ్యమ్మ, తెలుగుదేశం నేత బీటెక్‌ రవి, బీజేపీ నేత ఆదినారాయణరెడ్డి వేర్వేరుగా హైకోర్ట్ లో పిటీషన్లు వేసారు. ఈ కేసుల పై, ఇప్పటికే వాదనలు జరగగా, ఈ కేసులో సిబిఐ దర్యాప్తు అవసరం లేదు, అంటూ రాష్ట్ర ప్రభుత్వం వాదించింది. ఇప్పటికే మా ప్రభుత్వం సిట్ వేసిందని, వారు ఈ కేసు పై దర్యాప్తు చేస్తున్నారని, త్వరలోనే కేసు కొలిక్కి వస్తుందని చెప్పారు.

అందుకే దీని పై, సిబిఐ ఎంక్వయిరీ అవసరం లేదు అంటూ, జగన్ ప్రభుత్వం, హైకోర్ట్ ముందు వాదించింది. అయితే, ఈ రోజు ఈ కేసులో అదిరిపోయే ట్విస్ట్ వచ్చింది. తనకు కొంత మంది పై అనుమనాలు ఉన్నాయి అంటూ, వి-వే-క కూతురు సునీత, హైకోర్ట్ లో మరో పిటీషన్ వేసారు. ఒక పక్క జగన్ సిబిఐ వద్దు అంటుంటే, ఏకంగా తన కుటుంబ సభ్యులే, మరో కుటుంబ సభ్యుల పై అనుమానాలు ఉన్నాయి అంటూ, ఈ రోజు కోర్ట్ లో పిటీషన్ వేసారు. 3 సిట్ టీంలు ఇప్పటి వరకు వేసినా, ఏమి తేలలేదని, అందుకే సిబిఐ విచారణ కావాలని కోరారు. తనకు కొంత మంది పై అనుమానాలు ఉన్నాయి అంటూ, దాదపుగా 15 మంది పేర్లు కోర్ట్ కు ఇచ్చారు. అందులో అనూహ్యంగా, వైఎస్ అవినాష్ రెడ్డి పేరు కూడా ఉంది. మిగతా పేర్లు, వాచ్ మెన్ రంగయ్య, ఎర్ర గంగి రెడ్డి, వైఎస్ అవినాష్ రెడ్డి సన్నిహితుడు ఉదయ్ కుమార్ రెడ్డి, వైసీపీ రాష్ట్ర కార్యదర్శి శివశంకర్ రెడ్డి, పరమేశ్వర్ రెడ్డి, శ్రెనివాస్ రెడ్డి, వైసీపీ ఎంపీ వైఎస్ అవినాష్ రెడ్డి, ఆయన తండ్రి వైఎస్ భాస్కర్ రెడ్డి, వైఎస్ మనోహర్ రెడ్డి, సీఐ శంకరయ్య, ఏఎస్సై రామకృష్ణారెడ్డి, ఈసీ సురేంద్ర నాద్ రెడ్డి, మారెడ్డి రావేంద్ర నాద్ రెడ్డి, అప్పటి మంత్రి ఆదినారాయణ రెడ్డి, ఎమ్మెల్సీ బీటెక్ రవి తదితరులు ఉన్నారు.

ప్రతివాదులుగా ఏడుగురిని పిటిషన్ లో చేర్చిన సునీత. గతంలో సీబీఐ విచారణ జరిపించాలని తన సోదరుడు జగన్, తన తల్లి సౌభాగ్యమ్మ హైకోర్టులో పిటిషన్ వేసిన అంశాన్ని గుర్తుచేసిన వివేకానందరెడ్డి కుమార్తె. గవర్నర్ ను కలిసి విజ్ఞప్తి చేశామని పిటిషన్ లో పేర్కొన్న డాక్టర్ సునీత. తాజాగా ఈ కేసు దర్యాప్తు సరిగ్గా జరగడంలేదని పిటిషన్ లో ఆరోపణ. గతంలో ప్రతిపక్ష నేతగా ఉండి..ఇప్పుడు సీఎంగా ఉన్న తన సోదరుడు జగన్ నేరుగా సీబీఐ విచారణ జరపాలని ప్రభుత్వం తరపున ఎందుకు కోరట్లేదని ప్రశ్నించిన పిటిషనర్ . ఏపీ పోలీసులపై నమ్మకంలేదని అప్పట్లో పేర్కొని.. ఇప్పుడు మరలా అదే పోలీసులతో దర్యాప్తు జరిపించటం ఏమిటని ప్రశ్న. దర్యాప్తు జరుగుతున్న సమయంలోనే పరమేశ్వరరెడ్డి బామ్మర్ధి శ్రీనివాస్ రెడ్డి ఆ-త్మ-హ-త్య పై అనుమానాలు వ్యక్తం చేసిన డాక్టర్ సునీత. పో-స్టు-మా-ర్టం నివేదికలో శ్రీనివాస్ రెడ్డికి గా-యా-లు-న్నా-య-ని, ఆయన వి-షం తీసుకొని చ-ని-పో-లే-ద-నే అనుమానాన్ని వ్యక్తం చేసిన పిటిషనర్. అయితే ఈ కేసు పై, హైకోర్ట్ ప్రభుత్వాన్ని ప్రశ్నించింది. కేసును సీబీఐకి ఇచ్చేందుకు ప్రభుత్వానికి ఉన్న అభ్యంతరమేంటని ప్రశ్నించింది. అడ్వొకేట్‌ జనరల్‌ అందుబాటులో లేకపోవడంతో తదుపరి విచారణను ఫిబ్రవరి 6కు వాయిదా వేసింది.

జగన్ మోహన్ రెడ్డికి, సిబిఐ కోర్ట్ లు చిక్కు ఎదురు అవ్వటంతో, ఇప్పుడు ఆయన తెలంగాణా హైకోర్ట్ గడప తొక్కారు. తనకు వ్యక్తిగత హాజరు నుంచి మినిహాయింపు ఇవ్వాలని కోరుతూ, ఆయన తెలంగాణా హైకోర్ట్ మెట్లు ఎక్కారు. ఈ మేరకు ఆయన నిన్న హైకోర్ట్ లో పితీశంవ్ వేసిన సంగతి తెలిసిందే. ఈ కేసు పై ఈ రోజు వాదనలు జరిగాయి. అయితే ఈ కేసు పై, సిబిఐ తమకు కౌంటర్ వెయ్యటానికి టైం కావాలని చెప్పటంతో, ఫిబ్రవరి 6కు హైకోర్టు వాయిదా వేసింది. ఫిబ్రవరి 6 లోపు తమకు కౌంటర్ ఇవ్వాలని కోర్ట్ ఆదేశాలు ఇచ్చింది. అయితే, ఇదే సందర్భంలో, సిబిఐకి హైకోర్ట్ మరో ఆదేశాలు కుడా ఇచ్చింది. జగన్ వ్యక్తిగత మినహాయింపు కేసు హైకోర్ట్ లో ఉందని, సిబిఐ కోర్ట్ కు చెప్పండి అంటూ, హైకోర్ట్ సిబిఐ ని ఆదేశించింది. అంటే దీని ప్రకారం, హైకోర్ట్ ల కేసు తేలే వరకు, జగన్ సిబిఐ కోర్ట్ కు వెళ్ళనవసరం లేదు. మొన్న జరిగిన వాయిదాలో, సిబిఐ కోర్ట్, ఏ1 గా ఉన్న జగన్, రేపు వాయిదాకి అంటే, జనవరి 31న వాయిదాకు కచ్చితంగా రావాలని, లేకపోతే సరైన ఆక్షన్ తీసుకుంటాం అని చెప్పిన సంగతి తెలిసిందే. ఇప్పుడు హైకోర్ట్ ఆదేశాల ప్రకారం, అవసరం లేదు అని జగన్ తరుపు న్యాయవాదులు భావిస్తున్నారు.

ఆంధ్రప్రదేశ్ ముఖ్యమంత్రి గా ఉన్న తాను ప్రజా సంక్షేమం కోసం నిత్యం ప్రభుత్వ కార్యక్రమాల్లో నిమగ్నం అవ్వడం అవసరమని అంతే కాకుండా విజయవాడ నుండి హైదరాబాద్ లో ఉన్న సీబీఐ కోర్టు కి వ్యక్తిగతంగా ముఖ్యమంత్రి హోదా లో హాజరవ్వడానికి 60 లక్షలు అవుతోంది.అంత ప్రజాధనం వృధా కావడం అప్పుల్లో ఉన్న రాష్ట్రానికి మంచిది కాదు అని జగన్ తరపు న్యాయవాది సిబిఐ కోర్టులో అప్పీల్ కి వెళ్లడం దానిని సిబిఐ కోర్టు తిరస్కరించడం అందరికి విధితమే.ఈ నేపథ్యంలో హై కోర్టులో మరో సారి బలంగా వాదనలు వినిపించడానికి జగన్ తరపు న్యాయవాదులు సిద్ధం అవుతున్నారు.త్వరలో మూడు రాజధానుల ప్రక్రియ పూర్తి అవుతుంది.ఒక వేళ కోర్టు కేసులతో ఆలస్యం అయినా సీఎం క్యాంపు కార్యాలయం వరకూ మొదటి దశ లో మార్చుకోవాలని జగన్ భావిస్తున్నారు.

ఇప్పుడు ఇదే అంశం సిబిఐ కోర్టులో వ్యక్తిగత హాజరు నుండి మినహాయింపు ఇచ్చేందుకు ఉపయోగపడుతుంది అని జగన్ తరపు న్యాయవాదులు భావిస్తున్నారు.ఈ సారి మరింత బలంగా వాదనలు వినిపించడానికి సిద్ధం అవుతున్నారు.విజయవాడ నుండి హైదరాబాద్ వెళ్లడానికి 275 కిలోమీటర్లు.పూర్తి స్థాయి యంత్రంగా తో ముఖ్యమంత్రి వెళ్ళడానికి 60 లక్షలు అవుతుంది.ఇప్పుడు ఆయన కార్యాలయం విశాఖ కు మారింది విశాఖపట్నం నుండి హైదరాబాద్ సీబీఐ కోర్టు మధ్య దూరం 622 కిలోమీటర్లు.అంటే సుమారుగా ఇప్పుడు 1 కోటి 25 లక్షలు అవుతుంది.నెలకి సుమారుగా 5 కోట్లు సంవత్సరానికి 60 కోట్లు,5 ఏళ్లకు గాను 300 కోట్లు ప్రజాధనం వృధా అవుతుంది.ముఖ్యమంత్రి జగన్ సంవత్సరానికి 60 కోట్లు ప్రజాధనం వృధా అవుతుంది అంటూ మండలి ని రద్దు చేసారు.ఈ నేపథ్యంలో ప్రజల శ్రేయస్సు గుర్తించి వ్యక్తిగత హాజరు నుండి మినహాయింపు ఇచ్చేలా హై కోర్టు లో కొత్త వాదనలతో అప్పీల్ కు వెళ్లాలి అని జగన్ తరపు న్యాయవాదులు నిర్ణయించారు.ఈ వాదనతో ఖచ్చితంగా మినిహాయింపు వస్తుంది అని జగన్ తరపు న్యాయ వాదులు ఆశాభావం వ్యక్తం చేస్తున్నారు.