news

ఆంధ్రప్రదేశ్ రాష్ట్ర ప్రభుత్వం అప్పులతో నెట్టుకుని వస్తున్న సంగతి తెలిసిందే. జీతాలు, పెన్షన్లు ఇవ్వటానికి కూడా ఒక్కో నెలలో ఇబ్బందులు ఎదురు అవుతున్నాయి. ఇక రాష్ట్రంలో ఎలాంటి అభివృద్ధి కార్యక్రమం కూడా జరగటం లేదు. అమరావతి నిర్మాణం ఆగిపోయింది, పోలవరం ఏమి అవుతుందో అర్ధం కానీ పరిస్థితి. ఈ నేపధ్యంలోనే ఈ 18 నెలల్లో దాదాపుగా లక్షా 30 వేల కోట్లకు పైగా అప్పులు చేసినట్టు కాగ్ చెప్తుంది. ఈ స్థాయి అప్పులు ఏ రాష్ట్రం కూడా చేయలేదు, చేయదు కూడా. గత చంద్రబాబు ప్రభుత్వం 5 ఏళ్ళలో, లక్ష కోట్లు అప్పు చేస్తేనే హడావిడి చేసిన జగన్ మోహన్ రెడ్డి, ఇప్పుడు ఏడాదిన్నర లోనే, లక్షా 30 వేల కోట్లు అప్పు చేసారు. ఇంకా ఇంకా అప్పులు కోసం వేటాడుతున్నారు. కొత్త కొత్త మార్గాలు వెతుకుతున్నారు. కొన్ని బ్యాంకులు అప్పులు ఇవ్వకపోతే, ఏకంగా ప్రభుత్వ భూములు అమ్మటానికి కూడా వెనకాడటం లేదు. పోనీ ఏదైనా గుర్తుండే పోయే అభివృద్ధి చేస్తున్నారా అంటే, సున్నా. మరో పక్క పన్నుల బాదుడు. మొత్తానికి ఆంధ్రప్రదేశ్ ప్రభుత్వం చేస్తున్న అప్పులు కొత్త కొత్త రికార్డులు చేస్తున్న సమయంలో, మన రాష్ట్రం నుంచే రాజ్యసభ ఎంపీగా ఉన్న బీజేపీ ఎంపీ సురేష్ ప్రభు, రాష్ట్రాలు విచ్చల విడిగా చేస్తున్న అప్పుల పై కేంద్రానికి లేఖ రాసారు.

విశాఖపట్నం కు చెందినా, నరేష్ కుమార్ అనే వ్యక్తి ఆంధ్రప్రదేశ్ చాంబర్స్ అఫ్ కామర్స్ అండ్ ఇండస్ట్రీ డైరెక్టర్ గా ఉన్నారని, ఆయన తనకు అప్పుల విషయంలో లేఖ రాసారని, ఆ అభిప్రాయం కరెక్ట్ అని నేను కూడా నమ్ముతున్నాను అంటూ, రాష్ట్రాలు విచ్చల విడిగా చేస్తున్న అప్పుల పై కేంద్ర ఆర్ధిక మంత్రి నిర్మలా సీతారామన్ కు లేఖ ద్వారా ఫిర్యాదు చేసారు. విచ్చల విడిగా చేస్తున్న అప్పులు కంట్రోల్ చేయాలని కోరారు. అలాగే ఇదే లేఖను మరో కేంద్ర మంత్రి పియూష్ గోయల్ కు కూడా లేఖ రాసారు. ప్రజాలను బుట్టలో వేసుకునే పధకాల కోసం, కొన్ని ప్రభుత్వాలు కార్పొరేషన్లు పెట్టి మరీ, విచ్చల విడిగా అప్పులు తీసుకుంటున్నాయని, ఇవి చాల ఆందోళనకర అంశం అని ఆయన అన్నారు. కార్పొరేషన్లు ఏర్పాటు చేసి, ఎఫ్ఆర్బీఎం చట్టాలని అతిక్రమిస్తున్నారని అన్నారు. కార్పొరేషన్ల ద్వారా అప్పులు తీసుకుని, వాటిని వేరే వాటికి మళ్ళిస్తున్నారని ఫిర్యాదులో తెలిపారు. అప్పులు తిరిగి చెల్లించే సామర్ధ్యం కూడా చూడాలని, సిబిల్ స్కోర్ దాటి రుణాలు తీసుకుంటున్న వారి పై తగు చర్యలు తీసుకోవాలని కోరారు. అయితే ఆంధ్రప్రదేశ్ ప్రభుత్వం ఒక కార్పొరేషన్ పెట్టి, 25 వేల కోట్లు అప్పు కోసం ప్రయత్నాలు చేస్తున్న సంగతి తెలిసిందే. సురేష్ ప్రభు లేఖ, ఏపిని టార్గెట్ చేసి రాసిందే అని అర్ధం అవుతుందని, విశ్లేషకులు అంటున్నారు.

తమ పై వచ్చే తప్పుడు ప్రచారం తిప్పి కొట్టటంలో తెలుగుదేశం పార్టీ ఎప్పుడూ నిర్లిప్తతగానే ఉంటుంది. ఇప్పుడే కాదు, మొదటి నుంచి అంతే. 2014 ఎన్నికల్లో తెలుగుదేశం పార్టీ ఓడిపోవటానికి ఒక కారణమే ఈ ఫేక్ ప్రచారం అని చాలా మంది విశ్లేషకులు కూడా చెప్పారు. ఫేక్ ప్రచారం తిప్పి కొట్టక పోవటంతో, అదే నిజం అని ప్రజలు నమ్మి, ఇప్పుడు నిజం తెలుసుకున్నా ఉపయోగం లేకుండా పోయింది. అయితే ఇదేదో ఇప్పుడు బీహార్ నుంచి వచ్చిన సలహాదారుడు చేసింది కాదు, గతంలో రాజశేఖర్ రెడ్డి కూడా ఇలాగే చేసారు. రెండు ఎకరాలు రెండు వేల కోట్లు, సింగపూర్ లో హోటల్, వ్యవసాయం దండగ అంటూ, ఇలా అనేక తప్పుడు ప్రచారాలు చంద్రబాబు మీద చేసినా, ఆయన తిప్పి కొట్టలేక పోయారు. కాలక్రేమణ అదే నిజం అని ప్రజలు నమ్మే పరిస్థితి వచ్చింది. అయితే మొత్తం అయిపోయిన తరువాత, దీనికి ఎంత కౌంటర్ ఇవ్వాలని ప్రయత్నం చేసినా ఉపయోగం ఉండదు కదా. గతంలో రాజశేఖర్ రెడ్డి ఉండగా, చంద్రబాబు ప్రతిపక్షంలో ఉండగా, చంద్రబాబు వ్యసాయం దండగ అని అన్నారు అంటూ రాజశేఖర్ రెడ్డి విమర్శలు చేసారు. మనసులో మాట అనే పుస్తకంలో ఈ విషయం చెప్పారని అన్నారు. అయితే ఆ పుస్తకంలో రైతులను ఎలా ఆదుకోవాలి, ఎలాంటి సబ్సిడీలు ఇవ్వాలని చంద్రబాబు రాసుకున్నారు.

ఐటి గురించి రాస్తూ, వ్యవసాయం నష్టాలు పాలు అవుతున్న ఈ రోజుల్లో, యువత ప్రత్యామ్న్యాయాలు వైపు చూస్తున్నారు అని రాసుకున్నారు. ఇది పట్టుకుని రచ్చ రచ్చ చేసారు. నిజానికి అది నిజమే కదా, అందరూ చదువుకుని ఉద్యోగాలు చేసుకుంటున్నారు కానీ, వ్యవసాయం చేయటం లేదు కదా. అయితే చంద్రబాబు తాను ఆ మాటలు ఎక్కడ అన్నాను అని రాజశేఖర్ రెడ్డిని చాలెంజ్ చేస్తే, ఆయన చనిపోయే వరకు అది నిరూపించలేకపోయారు. అయితే ఇప్పుడు మళ్ళీ వైసీపీ పార్టీ నిన్న శాసనమండలిలో, చంద్రబాబు వ్యవసాయం దండగ అన్నారు అంటూ విమర్శలు చేసింది. దీంతో లోకేష్ లెగిసి, ఆ మాటలు ఎక్కడ అన్నారు, ఎప్పుడు అన్నారు చెప్పండి అని చాలెంజ్ విసిరారు. మనసులో మాట పుస్తకంలో అని, అది దొరకటం లేదని వైసీపీ మంత్రులు అనటంతో, ఆ పుస్తకం తీసుకు వచ్చి తెలుగుదేశం ఇందులో ఎక్కడ ఉందో చెప్పమని ఛాలెంజ్ చేసింది. ఆ మాటలు అన్నట్టు నిరూపించాలని చాలెంజ్ చేయటంతో, వైసీపీ ఇప్పటి వరకు ఏమి చెప్పలేక పోయింది. నాడు తండ్రి, నేడు కొడుకు విసిరిన చాలెంజ్ నిరూపించ లేక పోయారని, తెలుగుదేశం విమర్శిస్తుంది.

ఆంధ్రప్రదేశ్ శాసనమండలిలో అధికార వైసీపీకి తెలుగుదేశం పార్టీ మరో షాక్ ఇచ్చింది. గతంలో అమరావతి విషయంలో కూడా ఇలాగే షాక్ ఇవ్వటంతో, అధికార పక్షం గిల గిలా కొట్టుకుంది, ఏకంగా కౌన్సిల్ చైర్మెన్ షరీఫ్ గారి పై చేసిన రుబాబు తెలిసిందే. అమరావతిని మూడు ముక్కలు చేసే బిల్లులు విషయంలో, తెలుగుదేశం పార్టీ బ్రేక్ వేసింది. రెండు బిల్లులు సెలెక్ట్ కమిటీకి పంపించింది. అప్పుడు వేసిన బ్రేక్, ఇప్పటికీ అమరావతిని మూడు ముక్కలు చేయలేక, అధికార పక్షం విలవిలలాడుతుంది. అంతే కాదు తెలుగు మీడియం ఆప్షన్ లేకుండా, కేవలం ఇంగ్లీష్ మీడియం పెట్టటం పై కూడా బిల్లు వెనక్కు పంపించారు. ఇంగ్లీష్ మీడియం పై అభ్యంతరం లేదని, కానీ తెలుగు మీడియం అనే ఆప్షన్ కూడా ఉండాలని బిల్లు వెనక్కు పంపించారు. శాసనమండలిలో తెలుగుదేశం పార్టీకి బలం ఉండటంతో, అధికార పక్షం ఆటలు సాగటం లేదు. రెండో సారి మళ్ళీ అసెంబ్లీలో ఆమోదించుకు వెళ్లిపోవచ్చు కానీ, మండలిలో తెలుగుదేశం చేస్తున్న పోరాటంతో, బిల్లుల పై చర్చ జరుగుతుంది. ప్రజలకు ఏమి నష్టమో అర్ధం అవుతుంది. ఈ విధంగా అధికార పక్షానికి అన్నీ ఇబ్బందులే ఎదురు అవుతున్నాయి. అయితే ఇప్పుడు ఈ రోజు తాజాగా మరో షాక్ ఇచ్చింది శాసన మండలి. అసెంబ్లీలో నిన్న ప్రజల పై భారీగా భారం పడే ఒక బిల్లుని అధికార పక్షం ఆమోదించింది. ఆ బిల్లు పై తెలుగుదేశం పార్టీ అభ్యంతరం చెప్పినా పట్టించుకోలేదు. దీంతో వారు వాక్ అవుట్ కూడా చేసారు. ఆ బిల్లు పట్టాన ప్రాంతాల్లో ఆస్తి విలువ ఆధారంగా ఇక నుంచి పన్నులు బాదే బిల్లు.

ఈ చట్టంతో, ఇక నుంచి పన్నులు భారీగా పెరగనున్నాయి. అయితే ఇది కేవలం 10 శాతమేగా పెంచుతుంది అంటూ అధికార పక్షం ఎదురు దాడి చేస్తుంది. అయితే అసెంబ్లీలో ఆమోదం పొందిన బిల్లుని శాసనమండలికి పంపించారు. అక్కడ ఈ బిల్లు పై జరిగిన ఓటింగ్ లో మరోసారి అధికార పక్షానికి షాక్ ఇచ్చింది ప్రతిపక్షం. తెలుగుదేశం సభ్యులతో పాటుగా,  పీడీఎఫ్ సభ్యులు ఈ బిల్లుని వ్యతిరేకించారు. అయితే బీజేపీ ఈ బిల్లుని సుపోర్ట్ చేసిందో, తటస్తంగా ఉందొ తెలియ లేదు. మొత్తంగా ఈ బిల్లు మండలిలో వీగిపోయింది. బిల్లుకు వ్యతిరేకంగా 29 ఓట్లు వచ్చాయి. అనుకూలంగా 11 ఓట్లు వచ్చాయి. అయితే ఈ బిల్లుని సెలెక్ట్ కమిటీకి పంపించాలని మండలి చైర్మెన్ ను తెలుగుదేశం పార్టీ కోరనుంది. ఇలా చేస్తే ప్రజల అభిప్రాయం తెలుస్తుందని, ప్రభుత్వానికి వాస్తవ పరిస్థితి తెలుస్తుందని తెలుగుదేశం భావన. మరి దీని పై తుదపరి ఏమి జరుగుతుందో చూడాలి. ఇప్పటికైతే ప్రజల పై పడే భారాన్ని తెలుగుదేశం పార్టీ ఆపగలిగింది. ప్రభుత్వం ఇవేమీ పట్టించుకోకుండా మళ్ళీ రెండో సారి అసెంబ్లీలో ఆమోదిస్తే, ప్రజలకు పన్నుల షాక్ తప్పదు.