news

ఆంధ్రప్రదేశ్ పాడి పరిశ్రమను, గుజరాతీ కంపెనీ చేతిలో పెడుతూ ఆంధ్రప్రదేశ్ ప్రభుత్వం నిర్ణయం తీసుకున్న విషయం తెలిసిందే. మన రాష్ట్రంలో ఉన్న సహకార డైరీలను ముంచి వేస్తూ, తీసుకున్న ఈ నిర్ణయం పై, అందరూ అభ్యంతరం చెప్తున్న వేళ, అసెంబ్లీలో జగన్ మోహన్ రెడ్డి, ఈ చర్యను సమర్ధించుకున్నారు. అలాగే ఈ రోజు ఒక పెద్ద పేపర్ యాడ్ ఇచ్చి, అందులో వివిధ డైరీలు చెల్లిస్తున్న రేట్లు, గుజరాతీ కంపెనీ అముల్ చెల్లించే రేట్లు గురించి, చెప్తూ ఒక పెద్ద యాడ్ వేసారు. అయితే అసెంబ్లీలో జగన్ మోహన్ రెడ్డి తమ కంపెనీ గురించి తప్పుడు ప్రచారం చేసారని, సంగం డైరీ ఒక పత్రికా ప్రకటన విడుదల చేసింది. శాసనసభలో ముఖ్యమంత్రి మాట్లాడుతూ, సంగం డైరీ వారు పాల ఉత్పత్తిదారులకు తక్కువ ధర చేల్లిస్తున్నమాని చెప్పిన మాట అవాస్తవం అని ప్రకటనలో తెలిపారు. గత కొన్నేళ్ళుగా సంగం డైరీ పాల ఉత్పత్తిదారులకు ఎక్కువ ధర చెల్లిస్తుందని తెలిపారు. ఎక్కువ ధరలు చెల్లించటమే కాదని, బోనస్ కూడా ఎక్కువ ఇస్తున్నట్టు చెప్పారు.

దీనికి సంబంధించిన ధరల వివరాలు కూడా చెప్పారు. తాము గేద పాలుకు 46.83 రూపాయలు చెల్లిస్తున్నామని, అలాగే ఆవు పాలుకు 30.19 రూపాయలు చెల్లిస్తున్నామని, అయితే అముల్ మాత్రం గేద పాలుకు 45.48 రూపాయాలు, అలాగే ఆవు పాలుకు 28.00 రూపాయలకు చెల్లిస్తామని చెప్పారని తమ ప్రకటనలో తెలిపారు. ఇదే రేట్లతో తాము గత ఏడాది దాదాపుగా 9 కోట్లు పాల ఉత్పత్తిధారులకు చెల్లించామని అన్నారు. అలాగే ఉత్పత్తిధారులకు, పశువైద్య సేవలు, పశుదాణా కూడా సరఫరా చేసి, సబ్సిడీ పై పాడి పశువులకు బీమా ఇచ్చామని, వీటి కోసం ఏడాదికి 2.58 కోట్లు విడుదల చేసామని అన్నారు. సంగం కంటే, అముల్ వాళ్ళు 5 రూపాయాలు ఎక్కువ ఇస్తున్నారని ప్రభుత్వం ప్రకటించటం వాస్తవం కాదని అన్నారు. ఇలా మొత్తం వివరాలతో ప్రభుత్వ ప్రకటనను సంగం డైరీ ఖండించింది. మరి దీని పై ప్రభుత్వం స్పందిస్తుందో లేదో చూడాలి.

ఆంధ్రప్రదేశ్ చరిత్రలో ఎప్పుడూ చూడని వింత, జగన్ మోహన్ రెడ్డి ప్రభుత్వంలో ప్రజలు చూసారు. జగన్ మోహన్ రెడ్డి ప్రభుత్వం వచ్చిన కొత్తలో, కనిపించిన దానికి, కనిపించనట్టు, ఏది కనిపిస్తే దానికి తమ పార్టీ రంగులు వేసుకుంటూ వెళ్లారు. గేద కొమ్ములు, చెత్త బుట్టలు, స్మశానాలు, ఆకులు, గుడిలు, గడ్డర్లు, ఇలా ఏది కనిపిస్తే దానికి వేసుకుంటూ వెళ్లారు. అయితే ఇక్కడ వరకు బాగానే ప్రభుత్వ భావనలకు, స్కూల్ బిల్డింగ్లకు, పంచాయతీ బిల్డింగ్లకు కూడా తమ పార్టీ రంగులు వేసుకున్నారు. పోనీ వీళ్ళు ఏదైనా కొత్తది కట్టి, వేసుకున్నారా అంటే అదీ కాదు. ఎప్పుడో గత ప్రభుత్వాలు కట్టిన భవనాలకు, చివరకు బ్రిటీష్ కాలంలో కట్టిన భావనలకు కూడా తమ పార్టీ రంగులు వేసుకున్నారు. చివరకు ఒక చోట అయితే, ఏకంగా జెండా దిమ్మకు కూడా రంగులు వేసేసారు, గాంధీ తాత విగ్రహానికి కూడా వేసేసారు. అయితే ఈ పనులు చూసిన కొంత మంది కోర్టుకు వెళ్లారు. దీని పై హైకోర్ట్ సీరియస్ అయ్యింది. వెంటనే రంగులు మార్చమంది. అయినా మార్చకపోవటంతో, అధికారులని బాధ్యులను చేసింది. తరువాత మరొక్క రంగు కలిపి, ఇది పార్టీ రంగు కాదని చెప్పే ప్రయత్నం చేయటంతో, హైకోర్టు మరింత సీరియస్ అయ్యింది. ఇక తరువాత మార్చాల్సిన పరిస్థితి రావటంతో, మళ్ళీ సుప్రీం కోర్టుకు వెళ్ళింది ప్రభుత్వం. హైకోర్టు కంటే ఎక్కువగా సీరియస్ అయ్యింది సుప్రీం కోర్ట్. దీంతో ప్రభుత్వానికి రంగులు మార్చటం తప్ప, వేరే ఆప్షన్ లేకుండా పోయింది.

ఒకసారి పార్టీ రంగులు వేయటానికి ఖర్చు. మళ్ళీ తెల్ల సున్నం. మళ్ళీ పార్టీ రంగులు తీయటానికి ఖర్చు. ఇలా కొన్ని వందల వేల కోట్లు ఖర్చు అయ్యాయి. అయితే ఈ అనవసరపు ఖర్చు ప్రజల పై భారమే అవుతుంది. అయితే ఇప్పుడు ఇదే విషయం పై హైకోర్టులో ఒక పిటీషన్ దాఖలు అయ్యింది. ఆంధ్రప్రదేశ్ ప్రభుత్వం ప్రభుత్వ కార్యాలయాలకు రంగులు విషయంలో, వేయటానికి తీయటానికి అయిన ఖర్చు మొత్తం, వారి నుంచే రాబట్టాలి అంటూ పిటీషన్ దాఖలు అయ్యింది. ఆంధ్రప్రదేశ్ ప్రభుత్వం రంగులు వేయటానికి, తీయటానికి దాదాపుగా 4 వేల కోట్లు ఖర్చు అయ్యింది అంటూ, పిటీషనర్ తెలిపారు. ఈ 4 వేల కోట్లు ప్రభుత్వ ఖజానాకు జమ అయ్యేలా చూడాలని హైకోర్టుని కోరారు. చీఫ్ సెక్రటరీ నీలం సాహ్ని, ఆర్ధిక మంత్రి బుగ్గన రాజేంద్రనాథ్ రెడ్డి, మునిసిపల్ శాఖా మంత్రి బొత్స సత్యనారాయణలను ప్రతివాదులుగా చేర్చి, పిటీషన్ దాఖలు చేసారు. అయితే అఫిడవిట్ సరిగ్గా లేదని చెప్పిన హైకోర్టు, అసలు వీరిని ఎందుకు ప్రతివాదులుగా చేర్చారో స్పష్టంగా తెలపాలని కోరింది. మొత్తానికి రంగులు విషయం మళ్ళీ హైకోర్టుకు చేరింది. ఈ విషయం పై కోర్టు ఎలా స్పందిస్తుందో చూడాలి.

ఈ రోజు అసెంబ్లీలో విద్యుత్‌ సవరణ బిల్లులోని, అసైన్డ్‌ భూములు లీజు అంశాలపై చర్చ జరిగింది. అయితే ఈ బిల్లులో సోలార్ పార్కులు పెట్టటం కోసం, అసైన్డ్‌ భూములు తీసుకోవచ్చు అని ఉండటం పై, తెలుగుదేశం అభ్యంతరం చెప్పింది. దీని పై తెలుగుదేశం పార్టీ వాక్ అవుట్ చేసింది. ఇదే విషయం పై చంద్రబాబు అసెంబ్లీ ప్రాంగణం నుంచే వీడియో మెసేజ్ విడుదల చేసారు. ఆయన ప్రసంగం ముఖ్యాంశాలు "ప్రభుత్వం పేదల దగ్గరున్న భూములను లాక్కొనేలా కొత్తగా అసైన్డ్ మెంట్ యాక్ట్ కి సవరణలు చేస్తూ చట్టాన్ని తీసుకొచ్చింది. ఆ చట్టాన్ని తాము తీవ్రంగా వ్యతిరేకిస్తున్నాం. అసైన్డ్ మెంట్ యాక్ట్ కింద ఎక్కువగా ఎస్సీలు, బీసీలే భూములు సాగుచేసుకుంటున్నారు. వారి స్వాథీనంలోఉన్నభూములను ఎవరైనా బలవంతంగా లాక్కున్నా, తిరిగి వారికే స్వాధీనపరిచి, సదరు భూములపై వారికే హక్కు కల్పించేలా గతంలోనే చట్టాలు చేశారు.అటువంటి చట్టానికి తూట్లు పొడిచేపరిస్థితికి ఈ ప్రభుత్వం వచ్చింది. మంత్రులు బాధ్యతారాహిత్యంగా మాట్లాడుతున్నారు. ఎస్సీల భూములను, ఆదాయంకోసం ఎవరైనా వినియోగిస్తారని నీచంగా మాట్లాడుతున్నారు. అది చాలా దుర్మార్గం. ఒకవేళ అలాజరిగితే చట్టాన్ని ఎందుకు తీసుకొస్తున్నారు. ప్రభుత్వం ఎస్సీలకు న్యాయం చేయాలనుకుంటే, చట్టం లేకపోయినా వారిభూములు వారికి ఇవ్వొచ్చుగా.అదే సమయంలో ఎక్కువలాభం వస్తుందని చెబుతున్నారు. లాభం కోసమే అయితే పేదలస్వాధీనంలోని భూములెందుకు ఇవ్వడం.. మీ సొంత భూములే ఇవ్వొచ్చుగా? మీరే మీ భూములిచ్చి, ఆలాభాలు మీరే పొందండి. పేదలు, మరీ ముఖ్యంగా ఎస్సీల పొట్టకొట్టడమేంటి? కోర్టులు మొన్ననే చాలా సీరియస్ గా చెప్పాయి. పేదల భూములు ఒకరి దగ్గర తీసుకొని మరొకరికి ఇస్తానంటారా... ఇదెక్కడి న్యాయం.. అసైన్డ్ మెంట్ భూములు లాక్కోవడం చాలా తప్పని స్పష్టంగా చెప్పడం జరిగింది. కోర్టులు చీవాట్లు పెట్టినా వీళ్లకు బుద్ధిరాలేదు. ఈ రోజు వీళ్లు చేస్తున్న పనులు చూస్తుంటే చాలా బాధాకరంగా ఉంది. బాధ్యతలేని, ప్రజాస్వామ్యంపై గౌరవం లేని స్పీకర్ కనీసం నాకు మాట్లాడే అవకాశం ఇవ్వకుండా, అవతలి వైపున 10మందికి అవకాశమిచ్చి, వారితో నన్ను తిట్టిస్తారా?"

" మాపార్టీని విమర్శిస్తారు.. మాట్లాడదామంటే కనీసం మైక్ కూడా ఇవ్వరు. ప్రజాస్వామ్యాన్ని అపహాస్యం చేసే స్థితికి దిగజారారు. రాష్ట్రంపై పెనుభారం వేయబోతున్నారు. 10వేల మెగావాట్ల కరెంట్ ఉత్పత్పి చేస్తున్నామనిచెబుతున్నారు. ఒకపక్క రాష్ట్రంలో ఇప్పటికే 19,500మెగావాట్ల విద్యుత్ ఉత్పత్తి అవుతోంది. కొత్తగా అగ్రిమెంట్లు జరిగాయి. ఆ విద్యుత్తే సరిపోతుంది. వీళ్లు కావాలనే అవినీతికోసం అదనంగా ఉత్పత్తి అంటూ వ్యవస్థను కుప్పకూల్చే ప్రయత్నాలు మొదలెట్టారు. ప్రజలపై పెనుభారం వేసేపరిస్థితికి వచ్చారు. పీపీఏలపై విమర్శలు చేసిన పెద్దమనుషులు, విపరీతంగా ఎక్కడాలేని విధంగా ఇన్సెంటివ్ లు ఇచ్చారు. ఆ ఇన్సెంటివ్ లు ఇచ్చినవిధానం కూడా చాలా దారుణం. వీటన్నింటిపై మేము చర్చ జరగాలంటున్నాం. మీకు మీరు కావాలని బలవంతంగా అవినీతికోసం మరో 10వేల మెగావాట్లు తేవచ్చు. కానీ ప్రజలు మిమ్మల్ని ఛీకొట్టే పరిస్థితి వస్తుంది. రాబోయే రోజుల్లో మీకు తగినగుణపాఠం చెప్పే వస్తుందని, ప్రభుత్వం ఇది గుర్తుంచుకోవాలని హెచ్చరిస్తున్నా." అని చంద్రబాబు అన్నారు.